Вяргун пра крытыку: «Вось ён нешта сказаў – а хто ён? Ён нечага дабіўся?»

Беларускі галоўны трэнер «Уралмаша» (Расія, Ліга ВТБ) Расціслаў Вяргун падзяліўся меркаваннем аб рэакцыі на крытыку.

– Нядаўна ў нас была сустрэча з заўзятарамі. Пацешна, як цяпер яны падзяліліся на дзве групы: адны падыходзяць і кажуць «я не хейціл», а іншыя – «я хейціл, але зараз я прашу прабачэння». Ды без праблем!

Я разумею, што сутнасць нашай прафесіі – гэта выклікаць эмоцыі, любыя эмоцыі. Я сказаў заўзятару: «Спадзяюся, што для вас гэта добры прыклад таго, што вы не можаце ацэньваць чалавека, не ведаючы яго, не вывучыўшы прадмет».

А як я да гэтага ставіўся? Для мяне больш важна меркаванне таго ж Паскуаля, які, па сутнасці, і парэкамендаваў мяне. Ён казаў, што так, з «Мінскам» было няпроста гуляць: арганізаваная каманда, наступным разам трэба быць крыху больш уважлівымі, каб не дапусціць нейкі бэд дэй. Ён гэта не проста там недзе ляснуў, а адчуў, узяў на сябе мужнасць парэкамендаваць мяне. Я яму за гэта ўдзячны.

Жыццёвы досвед дае зразумець, што ты не можаш факусавацца і распыляцца на меркаванне ўсіх; ты павінен абстрагавацца, дыферэнцаваць: гэта важна, а гэта не важна. Я адчуваю тое ж самае зараз. Вось ён нешта сказаў – а хто ён? ён нечага дабіўся? ён нешта ведае? наколькі ён разбіраецца? наколькі кваліфікаваны?

Я цудоўна разумею балельшчыкаў. У маім першым інтэрв'ю падчас працаўладкавання ва «Уралмаше» я задаў пытанне: «Вы наогул разумееце, у што вы спрабуеце зараз улезці?» Калі я пачуў усвядомлены адказ, што ўсе ўсё разумелі, я сказаў: «Я ў сабе не сумняваюся. Проста я не хачу, каб гэтае рашэнне паўплывала на чыйсьці лёс. Я хачу зрабіць лепш». Калі я разумею, што ёсць рызыкі, я хачу іх прагаварыць, папярэдзіць, каб камусьці не было горш, – сказаў Вяргун.