Лешчанка пра магчымае завяршэнне кар'еры: «Просяць застацца, канешне! Мне падабаецца спорт, але з узростам стамляешся ад раз'ездаў»

Беларуская біятланістка Ірына Лешчанка (Крыўко) паразважала пра сваю спартыўную кар'еру.

«Калі ўдзельнічалі на этапах Кубка свету, было значна цікавей. Трымалі ў галаве нейкія мэты. Напрыклад, рыхтаваліся да Алімпіяды-2018. Ты вельмі сканцэнтраваны быў на гэтым, ведаў, дзеля чаго выходзіш на зарадку, на першую, другую, трэцюю, чацвёртую, пятую трэніроўку. Ведаў, што потым наступная Алімпіяда... Разумеў, да чаго ідзеш.

Атрымалася, што сышла ў дэкрэт, Аня Сола таксама. А калі вярнуліся на Кубак Расіі... А што далей? Якія мэты? Зразумела, што там многія маладыя спартсмены знаходзяць матывацыю: на коне ўсё роўна нейкія прызавыя. Але гэта не такая глабальная мэта, якая стаяла перад табой раней… І, адпаведна, думаеш, ці гатовая надаваць менш увагі дзіцяці? А дзеля чаго? Да таго ж усё роўна бываюць моманты, што не можаш яго з сабой узяць. Для такога павінна быць магутная мэта, задача.

Просяць застацца, канешне! І, з аднаго боку, мне падабаецца спорт, люблю яго. Усё роўна працягваю выходзіць на трэніроўкі практычна кожны дзень, але з узростам стамляешся ад раз'ездаў: ад сумак, незразумелых умоў пражывання. Раней усё роўна было, а з дзіцем зусім іншае стаўленне да гэтых момантаў. Яшчэ, канешне, думаю. Папрасілі злётаць на мора, адпачыць, не рабіць нейкіх паспешных высноў. Прыслухаюся... Яшчэ, канешне ж, пагутарым і потым ужо прымем нейкае рашэнне», – сказала Лешчанка.