Паўабаронца «Мёр» Рудзік: «Пасля аперацыі, цьфу-цьфу, спіна мяне не турбуе – спадзяюся, яшчэ пагуляю ў вышэйшай лізе»
Паўабаронца «Мёр» Філіп Рудзік распавёў пра тое, што матывуе яго працягваць кар'еру гульца.
– Большасць вашых аднагодкаў ужо завяршылі кар'еры, а вы да гэтага часу гуляеце і за DMedia, і за «Мёры»…
– Я пакуль кайфую ад футбола. У мяне ж была аперацыя на хрыбетніку, і апошнія сезоны ў вышэйшай лізе я мучыўся. А зараз, пасля аперацыі, цьфу-цьфу, спіна мяне не турбуе. Мне хацелася б і ў вышэйшай лізе яшчэ пагуляць.
– Калісьці былы зорны аднаклубнік у БАТЭ Аляксандр Глеб казаў пра ваш незвычайны нерэалізаваны патэнцыял…
– Цяпер я шкадую, што не сачыў за здароўем, з той жа траўмай спіны зацягнуў. Яе наступствы можна было прадухіліць. І трошкі галава ўстала на месца, калі ўжо здароўе скончылася. Як кажуць, раней не было мазгоў, але было здароўе. А зараз мазгі з'явіліся, а няма здароўя. Але я спадзяюся, што пры спрыяльных абставінах яшчэ пагуляю ў вышэйшай лізе на добрым узроўні, – сказаў Рудзік.
