Джан П'ера Гасперыні: «Адчуваецца неабходнасць у стварэнні Суперлігі, але прыклад «Аталанты» можа даць надзею. Футбол – гэта мерытакратыя»

Галоўны трэнер «Аталанты» Джан П'ера Гасперыні пракаментаваў перамогу ў двухматчавым супрацьстаянні з «Марселем» (1:1, 3:0) у 1/2 фіналу Лігі Еўропы.

«Мы гуляем шмат матчаў, нялёгка заўсёды гуляць добра, і ў некаторых гульнях нам даводзіцца змагацца, але сёння мы атрымалі выдатную перамогу.

Я ўжо казаў, што калі нас падтрымлівае цэлы горад, гульцы адчуваюць гэтую энергію і эмоцыі. Гэта быў адмысловы матч, і яны згулялі яго найлепшым чынам.

Я думаю, што фінал стане гістарычнай падзеяй, і для такога клуба як наш гэта сапраўды неверагодна, гэта абяцае шмат добрага для ўсіх. Статыстыка падаецца важнай, адчуваецца неабходнасць у стварэнні еўрапейскай Суперлігі, але прыклад «Аталанты» можа даць надзею.

Футбол – гэта мерытакратыя, і менавіта гэта робіць гульню выдатнай, а не тое, што вы атрымліваеце ў спадчыну нейкія генетычныя правы з-за свайго радаводу», – заявіў Гасперыні.

У фінале каманда з Бергама згуляе з «Баерам». Матч адбудзецца 22 траўня.