Хаві: «Я цалкам упэўнены, што буду трэнерам «Барсы» ў наступным сезоне»
Галоўны трэнер «Барселоны» Хаві заявіў, што не пакіне клуб гэтым летам.
«Адносіны з кіраўніцтвам не змяніліся, усё нармальна. Я сказаў, што думаю. Мы змагаемся за ўсе тытулы, у мяне ёсць амбіцыі, але сітуацыя няпростая і рэальнасць ад гэтага не мяняецца.
Я цалкам упэўнены, што буду трэнерам «Барсы» ў наступным сезоне. Для мяне гонар заставацца ў гэтым клубе. Я спакойны і поўны энтузіязму. Гэта тое, што я перадаю Лапорце і Дэку. Мы з імі ўжо будуем планы на наступны сезон», – сказаў Хаві.
Нагадаем, паводле інфармацыі іспанскіх СМІ, Лапорта даручыў шукаць новага трэнера для «Барселоны».
Прычынай стаў гнеў Лапорты з-за публічнай крытыкі Хаві 15 траўня. Трэнер тады адзначыў недахоп у клуба фінансавых рэсурсаў для правядзення важных аперацый і неабходнасці ўзмацнення саставу. Сказаўшы «калі не хочам, каб усё засталося па-ранейшаму», адзначыў, што сёння будзе вельмі складана «канкураваць з «Рэалам», а таксама ў еўракубках».