Трэнер «Шахцёра» Чупрыс: «Практычна былі звольненыя ўсім штабам, але Галаваты даў яшчэ шанц»
Галоўны трэнер «Шахцёра» Яраслаў Чупрыс падзяліўся меркаваннем аб тым, як каманда перажыла паражэнне ў фінале Кубка Салея.
– Што было пасля Кубка Руслана Салея?
– Была сустрэча з кіраўніком, атрымалі наганяй. Можна сказаць, што практычна былі звольненыя ўсім трэнерскім штабам.
Але, мабыць, падумаўшы, падумаўшы, ён прыйшоў да думкі, што працуем далей. Вось так.
Іван Іванавіч [Галаваты] прыйшоў да нас яшчэ раз, сустрэўся з камандай, з трэнерскім штабам. Даў нам яшчэ шанц.
– Што гэта за шанц?
– Гэта не зусім шанц, проста сказаў: «Трэнерскі штаб працягвае працу». Было сказана працаваць далей. Паглядзелі адзiн аднаму ў вочы. За гэта паважаю людзей, сам заўсёды стараюся размаўляць і глядзець у вочы.
– Пасля фінальнага матчу, хвілін праз 20, падыходзіў да распранальні, там нікога не было. Зразумела, што на эмоцыях нешта казаць не было сэнсу. Наступны дзень раніцай была трэніроўка. Што было ў камандзе, пра што казалі?
– Было спусташэнне. Размовы як такой не было. Да гэтага шмат размаўляў з хакеістамі, спрабаваў данесці да іх, што гэта фінал. Буду гаварыць за яго, бо на групавой стадыі і ў паўфінале было ўсё добра.
А вось у фінале – ужо не тая каманда. У першым матчы чэмпіянату з "Юнацтвам" быў калектыў, які спакойна забраў бы кубак.
Што не атрымалася? Прама зараз не магу сказаць. Недзе не згулялі лідары, недзе яшчэ нейкія фактары спрацавалі. Так, на наступны дзень адбылася трэніроўка, хаця павінен быў быць выходны.
Падумаўшы, падумаўшы, прыняў рашэнне трэніравацца. Рабяты прыйшлі такія ж спустошаныя, як і я.
Але гэта нашая праца, за якую плацяць грошы. Павінны адпрацоўваць свае кантракты. Хаця, як па мне, не заўсёды грошы вырашаюць. Ёсць і крыху іншыя паняцці ў хакеі. Як гэта ні гучала б рамантычна, але ён не церпіць ашуканцаў.
Якія б грошы ні зарабляліся, хакеем трэба жыць і трэба, каб ён быў у сэрцы. Нехта скажа, што я рамантык, але вось так лічу.
Калі выйшаў на лёд, павінен паміраць. І ўсё роўна, у якім матчы. Па-рознаму могуць складацца гульні: у тваю карысць і не ў тваю. Заўзятар заўсёды бачыць, калі падманваеш, у цябе не гараць вочы. Гэта ўсё на паверхні, – сказаў Чупрыс.
