Рутэнка пра допуск беларускіх тэнісітаў да Уімблдона: «Прыемна, што асацыяцыі кіраваліся спартыўнымі прынцыпамі, а не палітычнымі тэндэнцыямі»
Старшыня Беларускай тэніснай федэрацыі Сяргей Рутэнка падзяліўся меркаваннем наконт доступу беларускіх спартсменаў да Уімблдона.
– Беларусы вяртаюцца на Уімблдон пасля гадавога перапынку? Справядлівасць перамагла?
– Можна так сказаць. Мне прыемна было тое, што ў асацыяцыі прафесійных гульцоў нягледзячы на ўсе палітычныя тэндэнцыі пры прыняцці рашэнняў рознымі федэрацыямі і спартыўнымі арганізацыямі кіраваліся менавіта спартыўнымі прынцыпамі. І ў прынцыпе, па сутнасці, вымусілі арганізатараў Уімблдона, да таго, каб далі допуск для ўдзелу нашым спартсменам, – сказаў Рутэнка.
Нагадаем, што шматлiкія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага 2022 года працягваецца Расiяй ва Украіне з выкарыстаннем тэрыторыі Беларусі.
