Сінер не выступіць на «Мастэрсе» ў Рыме з-за траўмы
Другая ракетка свету Янік Сінер паведаміў, што не згуляе на «Мастэрсе» ў Рыме з-за траўмы.
«Нялёгка напісаць гэтае паведамленне, але пасля паўторнай размовы з лекарамі і спецыялістамі аб праблемах са сцягном я вымушаны паведаміць, што, на жаль, не змагу гуляць у Рыме.
Вядома, мне вельмі сумна, што я не аднавіўся, бо гэта адзін з маіх улюбёных турніраў. Мне не цярпелася вярнуцца і згуляць дома перад італьянскай публікай.
Я ўсё роўна прыеду ў Рым на некалькі дзён і зазірну ў Foro Italico.
Дзякуй за вашыя словы падтрымкі, якія я вельмі шаную. Цяпер я буду працаваць са сваёй камандай і лекарамі, каб быць гатовым да «Ралан Гарос».
Да хуткай сустрэчы», – напісаў Сінер.
Італьянец з-за траўмы зняўся з паўфіналу «Мастэрса» ў Мадрыдзе. Турнір у Рыме пройдзе з 8 па 19 траўня, на ім таксама не згуляе №3 Карлас Алькарас.
