Генсак БФБ Марыніна пра міжнародны бан: «На Гульнях сяброўства прызавыя будуць больш, чым на Алімпіядзе»
Генеральны сакратар-выканаўчы дырэктар БФБ Анастасія Марыніна выказалася пра міжнародны бан.
– Як ужо казаў у інтэрв’ю Максім Рыжанкоў, ніхто не мае права забараніць нам гуляць у баскетбол, што мы натуральна і робім.
Насамрэч, калі зачыняюцца адны дзверы, адчыняюцца іншыя, мусіць, за гэты год мы рэалізавалі праектаў больш сумесна з Расійскай Федэрацыяй, чым за ўсе папярэднія гады, таму што створаны новы каляндар, і гэта тычыцца менавіта баскетбола 3×3 у першую чаргу, таксама ў баскетболе класічным.
Цяпер адыгралі мужчынскія каманды, мы бачым абноўленыя склады былі ў расійскай і беларускай зборнай, лік супрацьстаяння 1-1. Што казаць аб тым, што ўсё-такі нашай зборнай, была праведзена трэнерскім штабам добрая праца па адборы і фарміраванні рэзерваў нацыянальнай каманды.
Наперадзе вельмі шмат праектаў, пачнем з нашых гульняў краін СНД, потым адправім каманды на ўніверсіяду ў Екацярынбург, гэта аналаг сусветнай універсіяды. Я думаю, што 22 краіны мінімум прымуць удзел (дзейнымі чальцамі СНД з’яўляюцца 9 дзяржаў – заўв. Tribuna.com).
У наступным годзе Гульні сяброўства, рыхтуем нашы зборныя.
Наперадзе сезон пачнецца фармаванне клубаў, расійскіх, беларускіх. Да гэтага часу і замежныя еўрапейскія клубы дасылаюць запрашэнні нашым гульцам, але прапановы, якія робяць расійскія клубы, значна цікавейшыя.
– Выгадней, так?
– Не тое, што больш выгадна, мацней трэнерскія штабы, лепшыя ўмовы. Цяпер спартсмены нашы вярнуліся з Расіі. Мы размаўляем, яны кажуць: [лепш] медыцынскае забеспячэнне, пражыванне, харчаванне, трэнерскі штаб. Гулец выбірае не проста заробак, ён абірае такі клуб, дзе будзе яго развіццё, менавіта як баскетбаліста.
– Наконт бана на міжнародным узроўні, ці ёсць нейкія чуткі, навіны, можа быць нейкае абнаўленне?
– Я думаю, і наша меркаванне супадае з расійскімі калегамі, нядаўна Андрэй Кірыленка даў інтэрв’ю, што ў бліжэйшыя два-тры гады вяртанне нават не мае сэнсу. Мы будзем рыхтаваць нашы каманды ў супрацоўніцтве з Расійскай Федэрацыяй, з прыязнымі краінамі.
Магчыма, спорт увогуле стане іншым, а мы гэта бачым. І мы не зацыкліваемся на тым, што ў што б там ні стала вярнуцца туды, дзе нас не чакаюць.
Мы развіваем новы напрамак, і я думаю, што ён будзе больш паспяховы, цікавы. Таму што Гульні сяброўства, там будуць такія прызавыя, за якія захочуць пазмагацца ўсе каманды, ўсе краіны, у адрозненне ад Алімпійскіх гульняў.
– Як хутка ўдалося наладзіць супрацоўніцтва з расійскім бокам, ці яно было падрыхтавана?
– Гэта было падрыхтавана, мы пачалі вельмі шчыльную працу з 2019 года, гэта былі заключаны дагаворы аб супрацоўніцтве з Расійскай Федэрацыяй Баскетбола і з Цэнтрам спартыўных тэхналогій Расэнергаатам. І калі наступіў 2020 і 2022 год, у нас ужо быў поўны каляндар спаборніцтваў, – сказала Марыніна.
Нагадаем, што шматлiкія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага 2022 года працягваецца Расiяй ва Украіне з выкарыстаннем тэрыторыі Беларусі.
