Новая форма «Спортынга» прысвечана апошняму матчу Раналду за клуб, які перавярнуў гісторыю футбола. Распавядаем гісторыю і паказваем дызайн
Стылёвы і прыгожы трыб'ют.
6 жніўня «Спортынг» паказаў трэці камплект формы на сезон-2023/24 – ён прысвечаны 20-годдзю апошняй гульні Крышціяну Раналду за клуб. Гаворка пра матч-адкрыццё стадыёна «Жазэ Алваладэ» супраць «Ман Юнайтэд»: тады лісабонцы перамаглі 3:1, а КрыРо адзначыўся галявым пасам. 12 жніўня, менш чым праз тыдзень пасля той сустрэчы, было абвешчана пра трансфер Раналду ў «МЮ» за 12,3 млн еўра, што было далей – ужо гісторыя!
Сама форма зроблена ў калабарацыі з брэндам CR7, які належыць Раналду.
Пры стварэнні новага камплекта натхняліся дызайнам формы, у якой Крышціяну і згуляў свой апошні матч за «Спортынг» супраць «МЮ».
Цана гэткай цішоткі – 95 еўра, поўны камплект будзе каштаваць 150 еўра.
Прыгожы трыб'ют ад першай каманды ў легендарнай кар'еры Раналду.