Экс-гульцом БАТЭ чарнагорцам Іванічам цікавяцца маскоўскія «Спартак» і «Дынама» (Sportska Centrala)
Паводле інфармацыі Sportska Centrala, маскоўскія «Спартак» і «Дынама» зацікаўлены ў паслугах чарнагорскага экс-гульца БАТЭ Мірка Іваніча, які выступае за бялградскую «Црвену Звезду».
Крыніца паведамляе, што за 29-гадовага паўабаронцу таксама змагаецца італьянская «Сампдорыя», якую ўзначальвае былы трэнер «Црвены Звезды» Дзеян Станковіч.
Іваніч выступае за «Црвену Звезду» з лютага 2019 года, яго кантракт з бялградскім клубам разлічаны да лета 2025 года. Па дадзеных партала Transfermarkt, трансферны кошт чарнагорца складае 8 мільёнаў еўра.
У гэтым сезоне Іваніч паспеў правесці за «Црвену Звезду» 22 матчы ў розных турнірах, у якіх забіў шэсць мячоў і аддаў 11 галявых перадач. На яго рахунку 15 сустрэч і адзін гол за зборную Чарнагорыі.
У складзе БАТЭ чарнагорца прабыў з 2016-га па 2019-ы гады і згуляў 172 матчы.