Трэнер Польшчы: «На ЧС рызыка не акупляецца, таму шукаем больш простыя спосабы перамагчы»

«Пасля гульні я знайшоў хвіліну, каб парадавацца таму, што адбылося. Я шаную клас Саудаўскай Аравіі і яе трэнера, але мы былі больш эфектыўнымі. Што будзе ў матчы супраць Аргенціны? Да яго яшчэ шмат часу. Цяпер мы крыху падбадзёрымся, а раніцай 27 лістапада – ужо праца над матчам з Аргенцінай.

У нас верыць польская нацыя, толькі вы, журналісты, не. Але насамрэч усе ў Катары жадаюць, каб мы гулялі тут даўжэй. Аднак гэта турнір, а не гульня чэмпіянату. Рэваншу тут няма. Кожная памылка, кожны недахоп мае каласальныя наступствы. Тут рызыка не акупляецца, таму мы шукаем больш простыя спосабы.

Мы ўмела абараняліся супраць саудытаў. Фокус у тым, каб пераканаць каманду, што калі ўсе мы абараняемся, то мы ўсе ў абароне. Рэакцыя пасля гала – не толькі гульцоў на поле, але і на лаўцы запасных – сведчыць пра тое, што атмасфера ў камандзе выдатная. Напэўна, некаторыя гульцы могуць быць расчараваныя, што не выйшлі на поле, бо мы зрабілі толькі дзве замены, але вынік усё падсаладзіць.

Ведаю, як Левандоўскі перажываў праз матч з Мексікай. Цяпер ён правёў выдатную гульню, забіў гол, зрабіў асіст. Пасля нерэалізаванага пенальці мы ўсё гэта перажылі разам з ім, сёння мы з ім задаволены.

Ведаю, што Шчэнсны шмат працаваў над пенальці. Нядаўна мексіканец Ачоа заявіў, што доўга рыхтаваўся да ўдараў Роберта разам з трэнерамі брамнікаў. Нашы трэнеры таксама пагутарылі з нашымі галкіперамі, паказалі, як саудыты б'юць пенальці. Прыемна, што Войцэх скарыстаўся гэтымі парадамі, хоць гэта яшчэ не ўсе парады. Шчаслівы мець асалоду працаваць з ім», – сказаў Міхневіч.

Чэмпіянат свету-2022 па-беларуску і без VPN! Пампуй дадатак Tribuna.com