Гендыр «Беверэна» Габэн пра Філіпавіча: «Хацелі падпісаць яго яшчэ ўлетку. Але ягоны статус капітана перашкодзіў яму далучыцца да нас тады»

Генеральны дырэктар бельгійскага «Беверэна» (Д2) Антуан Габэн падзяліўся меркаваннем пра трансфер Якава Філіпавіча. Абаронца БАТЭ далучыцца да новай каманды ў студзені.

«Філіпавіч быў гульцом, якога мы хацелі падпісаць яшчэ ўлетку. Але яго статус капітана клуба, які прэтэндуе на еўракубкі, перашкодзіў яму далучыцца да нас тады (Філіпавіч выводзіў БАТЭ з капітанскай павязкай у матчах Лігі канферэнцый супраць «Каньяспара». Пазней павязка вярнулася Станіславу Драгуну – Tribuna.com).

Ён з'яўляецца моцным і камунікабельным лідарам. Якаў ужо даказаў, што мае якасць, каб выступаць і ў больш высокіх дывізіёнах.

Мы рады, што Якаў далучыцца да нас у студзені. Перакананы, што ён акажа добры ўплыў на наша імкненне да вяршыні», – сказаў Гобен.