Шкрыньяр можа больш не згуляць за «Інтэр». Гулец атрымаў траўму, а ўлетку плануе далучыцца да «ПСЖ»

Абаронца «Інтэра» Мілан Шкрыньяр учора, 19 красавіка, перанёс эндаскапічную аперацыю на паяснічным аддзеле хрыбетніка, паведамляе Sky Italia.

У найбліжэйшыя тыдні славацкі абаронца будзе праходзіць курс рэабілітацыі, які можа доўжыцца каля 30-40 дзён.

Паведамляецца, што, магчыма, Шкрыньяр ужо згуляў сваю апошнюю гульню за «Інтэр», бо ўлетку гулец плануе на правах вольнага агента падпісаць кантракт з «ПСЖ».

Падчас сакавіцкага перапынку на матчы зборных Шкрыньяр кансультаваўся з дактарамі «ПСЖ» адносна сваёй праблемы са спіной.

У гэтым сезоне Шкрыньяр аддаў 1 асіст у 31 матчы.