Ібрагімавіч можа больш не гуляць у гэтым сезоне з-за новай траўмы

Нападнік «Мілана» Златан Ібрагімавіч атрымаў новую траўму, паведамляе Сalciomercato.

У 41-гадовага шведа разрыў адной з цягліц правай ікры. Футбаліст траўмаваўся ў працэсе размінкі ў матчы чэмпіянату Італіі супраць «Лечэ» (2:0).

На аднаўленне ад такой траўмы патрабуецца ад 2 да 4 тыдняў, гэта значыць не выключана, што Златан больш не згуляе ў гэтым сезоне.

Нагадаем, форвард толькі ў лютым вярнуўся на поле пасля разрыву крыжападобнай звязкі калена. За 2 месяцы ён паспеў адыграць 4 матчы і забіць 1 гол, стаўшы самым узроставым бамбардзірам у гісторыі серыі А.

Кантракт гульца з «Расанеры» заканчваецца ў канцы чэрвеня.