«Аль-Наср» упэўнены ў трансферы Брозавіча

Працягваюцца перамовы паміж «Інтэрам» і «Аль-Насрам» па пераходзе капітана «нерадзуры» Марцэла Брозавіча.

Як паведамляе Фабрыцыа Рамана, саудаўскі клуб па-ранейшаму ўпэўнены ў падпісанні харвата, але ўсё залежыць ад жадання самога гульца, на якога таксама прэтэндуе «Барселона».

Чакаецца, што будучыня Брозавіча вызначыцца ўжо заўтра, калі пачнецца новы раўнд перамоў. Нагадаем, «Аль-Наср» прапануе «Інтэру» 15 мільёнаў за 30-гадовага паўабаронцу.

Брозавіч стаў гульцом «Інтэра» яшчэ ў пачатку 2015 года, калі быў арандаваны ў заграбскага «Дынама». За гэты час правёў у складзе міланскага клуба 330 матчаў, у якіх забіў 31 мяч і аддаў 43 асісты. Поўная статыстыка Марцэла – тут.