Пераходу Макенні ў «Барусію» Д могуць перашкодзіць ягоныя выступы за «Шальке», што можа выклікаць незадаволенасць заўзятараў

Паўабаронца «Ювентуса» Уэстон Макенні можа перайсці ў «Барусію» Д, паведамляе ESPN.

Паводле інфармацыі крыніцы, турынцы і дортмундцы ўжо вядуць перамовы па трансферу, які можа быць выгадны для абодвух бакоў – «Ювентус» зможа разгрузіць зарплатную ведамасць, а «Барусія» Д – узмацніць звяно паўабароны пасля сыходу Джуда Белінгема, Рафаэла Герэйру і Махмуда Дауда.

Але трансферу могуць перашкодзіць выступы Макенні за прынцыповага суперніка дортмундцаў «Шальке» з 2016 па 2021 год. Гэта можа не спадабацца балельшчыкам.

У мінулым сезоне Макенні на правах арэнды выступаў за «Лідс». На яго рахунку 3 галы і 2 асісты ў 21 матчы.