Хаві пра 3:0 з «Рэалам»: «Вынік добры, але гэта не значыць, што мы правялі выдатную гульню»

​​Галоўны трэнер «Барселоны» Хаві пракаментаваў перамогу над «Рэалам» (3:0) у таварыскім матчы ў Арлінгтане, ЗША.

«Вынік вельмі добры, але гэта не значыць, што мы правялі выдатную гульню. Я задаволены тым, як мы змагаліся, але ёсць шмат што трэба паляпшаць, і ў многіх момантах мы не былі тымі, кім хочам быць.

Не трэба ўпадаць у эйфарыю. Мы на правільным шляху, але ўсё толькі пачынаецца. Я задаволены вынікам, але зараз наша мэта – выйграць матч 13 жніўня супраць «Хетафе».

Фермін Лопес – таленавіты футбаліст, выдатна які гуляе абедзвюма нагамі. У яго добры апошні пас і класны далёкі ўдар – гэта тое, чаго нам не хапала ў мінулым сезоне.

Ён галодны і нецярплівы. Калі я бачу, як ён трэніруецца, то разумею, што мушу даваць яму гульнявы час, таму што ён гэтага заслугоўвае. Сёння ён зрабіў розніцу – забіў левай і асіставаў правай.

Я ўжо шмат разоў казаў, што ў Дэмбеле ёсць патэнцыял для таго, каб стаць найлепшым у свеце на сваёй пазіцыі. Я вельмі давяраю яму, і ён імкнецца максімальна аддзячыць мяне сваёй гульнёй.

Ёсць некаторыя моманты на трансферным рынку, якія мы не можам кантраляваць, так што Усману давядзецца прымаць рашэнне. Але ён сказаў нам, што шчаслівы быць у «Барселоне». Гэта цудоўна.

Я лічу, што мы яшчэ не цалкам укамплектаваны. Для таго каб быць канкурэнтаздольнымі на еўраарэне, мы павінны яшчэ крыху ўзмацніць свой склад. Кіраўніцтва ведае аб маіх пажаданнях. Я вельмі веру ў гэтую каманду, але мая задача як трэнера – стварыць больш канкурэнцыі на ўсіх пазіцыях», – сказаў Хаві.