Нэймара, Вінісіуса і яшчэ 21 футбаліста выклікалі ў зборную Бразіліі на матчы адбору ЧС-2026, Пакета – па-за складам

Выконваючы абавязкі галоўнага трэнера зборнай Бразіліі Фернанда Дыніз назваў склад на матчы адбору ЧС-2026.

Брамнікі: Алісан («Ліверпуль»), Бента («Атлетыку Паранаэнсе»), Эдэрсан («Манчэстэр Сіці»);

Абаронцы: Даніла («Ювентус»), Вандэрсан («Манака»); Кая Энрыке («Манака»), Рэнан Лодзі («Нотынгем Форэст»), Ібанес («Аль-Ахлі»), Габрыэл Магальяэс («Арсенал»), Маркіньяс («ПСЖ»), Ніно («Флуміненсе»);

Паўабаронцы: Андрэ («Флуміненсе»), Бруна Гімараэс («Ньюкасл»), Каземіра («Манчэстэр Юнайтэд»), Жаэлінтан («Ньюкасл»), Рафаэл Вейга («Палмейрас»);

Нападаючыя: Антоні («Манчэстэр Юнайтэд»), Габрыэль Марцінелі («Арсенал»), Матэус Кунья («Вулверхэмптан»), Нэймар («Аль-Хіляль»), Рышарлісан («Тотэнхэм»), Радрыга («Рэал»), Вінісіус («Рэал»).

У складзе адсутнічае Лукас Пакета з «Вэст Хэма». Была інфармацыя, што футбаліст знаходзіцца пад следствам Футбольнай асацыяцыі наконт магчымых парушэнняў правіл па стаўках.

Бразілія ў адборы ЧС-2026 згуляе супраць Балівіі 9 верасня і Перу 13 верасня. Гэта будуць першыя матчы кваліфікацыі.