«Аякс» звольніў дырэктара клуба Міслінтата
«Аякс» абвясціў пра спыненне супрацоўніцтва з дырэктарам клуба Свенам Міслінтатам.
Прычынай такога рашэння паслужыла адсутнасць падтрымкі ўнутры арганізацыі і несуцяшальныя вынікі каманды на старце сезону.
Міслінтат далучыўся да амстэрдамцаў у траўні гэтага года. Яго кантракт быў разлічаны да лета 2026-га.
Раней Свен працаваў на розных пасадах у дортмундскай «Барусіі» з 1998 па 2017 год. Затым быў дырэктарам скаўцкага аддзелу ў «Арсенале» і спартыўным дырэктарам у «Штутгарце».
«Аякс» на дадзены момант займае 14-е месца ў чэмпіянаце. Каманда ў 4 матчах мае 1 перамогу, 1 паражэнне і 2 нічыіх. Учора амстэрдамцы гулялі дома супраць «Фееноорда». Матч датэрмінова завяршыўся на 55-й хвіліне пры ліку 0:3 на карысць гасцей.
Прычынай сталі паводзіны заўзятараў «Аякса», якія пачалі кідаць на поле фаеры ў знак незадаволенасці вынікам гульні.
