Тэа Эрнандэс: «Даў Калабрыі параду – фаліць на Мбапэ»
Віцэ-капітан «Мілана» Тэа Эрнандэс пажартаваў аб нястрымнасці Кіліяна Мбапе.
– Гуляць у адной камандзе з Мбапе – гэта неверагодна. Спадзяюся, буду працягваць рабіць гэта ў бліжэйшыя гады.
– «Мілан» сустрэнецца з «ПСЖ» у Лізе чэмпіёнаў. Як спыніць Мбапе?
– Добра, што ён гуляе на супрацьлеглым ад мяне флангу. Я даў Калабрыі некалькі парадаў, але самая слушная – гэта фаліць на Мбапе. Фаліце на ім, пакуль гэта магчыма, – сказаў Эрнандэс для Telefoot.
Пазаўчора Мбапе спыніў сваю месячную галявую засуху, зрабіўшы дубль у матчы кваліфікацыі Еўра-2024 супраць Нідэрландаў. І Тэа, і Кіліян правялі на полі ўвесь матч.
Ужо праз 10 дзён клубы Эрнандэса і Мбапе сустрэнуцца паміж сабой у Лізе чэмпіёнаў. 25 кастрычніка «ПСЖ» прыме «Мілан» у рамках трэцяга тура групавога этапу.
