Журналіст Садыкаў пра «Атыраў»: «Гэта справа ўнутраная і, можа, не віна Жукоўскага. У клубе гуляе зусім мала казахстанцаў»
Казахстанскі журналіст Эрык Садыкаў пракаментаваў выступ «Атырау» Віталя Жукоўскага ў чэмпіянаце Казахстану.
– Ці сачылі за самой беларускай камандай чэмпіянату – «Атырау»?
– Ха, як тут кажуць, «базавы» клуб зборнай Беларусі. Гульцы не падвялі свайго трэнера. Адзіны нюанс, але гэта справа ўнутраная і, можа, не віна Віталя Жукоўскага... у «Атыраў» гуляе зусім мала казахстанцаў. Правільна кажуць мясцовыя заўзятары са стажам: хіба мы павінны дапамагаць заканчваць кар'еру і плаціць пенсію беларускім футбалістам? А як жа нашы? Яны абураліся, але ў выніку каманда дала вынік. Ставілася задача заняць месца не ніжэй шостага.
Хоць, шчыра кажучы, што дае шостае месца – мне незразумела. А так хлопцы нармальна адпрацавалі, улічваючы ўзрост, – і брамнік Хаткевіч, і паўабаронца – капітан Стасевіч, які быў лідарам... дарэчы, чуў, што менавіта футбалісты з Беларусі парэкамендавалі паклікаць у «Атыраў» Наёка, – сказаў Садыкаў.
