Кірыл Альшэўскі: «Прапушчаны гол ад «Астраўца» – гэта проста аварыя. Я лаяўся матам, бо выразна гаварылася, як дзейнічаць»

Галоўны трэнер БАТЭ Кірыл Альшэўскі пракаментаваў прапушчаны гол у кубкавым матчы супраць «Астраўца» (3:1).

– У першым тайме асноўную частку момантаў, уключаючы галявы эпізод, супернік стварыў са стандартаў. Якія карэктывы ў перапынку ўнеслі?

– Лаяўся матам проста з усіх сіл. Па-іншаму ніяк. Гэта ж не дзеці. Калі ты выразна кажаш, як трэба дзейнічаць, адкуль прыходзіць пагроза, як паводзіць сябе, напрыклад, пры падачы ў створ, дзе размяшчаюцца супернікі. І калі ў нас вопытныя футбалісты ў гэты момант маўчаць, а потым мы прайграем падбор. Прычым акцэнтаваў увагу, што з падбораў гэтая каманда наносіць вельмі вялікую колькасць удараў. І калі мы прапускаем з падбору, і гэта прыходзіць ад футбаліста, які не заўсёды атрымлівае гульнявую практыку, тады ўзнікае пытанне: «Як ты хочаш гуляць, калі элементарную рэч, якую мы абмяркоўвалі, ты праспаў?» Таму я проста лаяўся.

Гэта адзіны момант. Я не магу скарэктаваць тое, што мы ўжо сказалі і зрабілі. Гэта не паддаецца карэкцыі. Паддаецца толькі пытанне матывацыі, а гэта або прэміяльныя, або выхад у складзе, або проста не раз'юшваць трэнера. У дадзеным выпадку так і атрымалася. Шчыра кажучы, я пасля перапынку дагэтуль не адышоў. Таму што гэты гол – гэта аварыя проста, – сказаў Альшэўскі.