Аляксандр Гутар: «Прыемна вярнуцца на стадыён, дзе пачынаў. Усё знаёма, нічога не забыта»
Брамнік БАТЭ Аляксандр Гутар пракаментаваў свой удзел у кубкавым матчы з «Астраўцом» (3:1).
– Вярнуліся сёння на «Гарадскі», якія былі эмоцыі, калі даведаліся, што выйдзеце на кубкавы матч у стартавым складзе?
– Эмоцыі перапаўнялі. Прыемна вярнуцца на стадыён, на якім пачынаў. Таму, усё знаёма, нічога не забыта. Рады, што сёння трэнерскі штаб даверыў мне месца ў складзе. Задаволены, што дэбют скончыўся перамогай. Таму эмоцыі толькі станоўчыя.
– Не самая простая гульня супраць суперніка з першай лігі. Як можаце пракаментаваць сённяшні матч і дзеянні каманды ў ім?
– Кубкавыя гульні заўсёды цяжкія тым, што каманды прыязджаюць настроеныя на цябе. Тым больш, на такую моцную каманду, як БАТЭ. Усім прыемна тут гуляць, тым больш супраць такой каманды. Ніколі не бывае лёгка супраць каманд з першай лігі: яны таксама жадаюць дабіцца пуцёўкі ў наступны раўнд. На шчасце, гэтую пуцёўку здабылі мы.
– БАТЭ працягвае свой шлях у кубку. Наступныя матчы будуць ужо вясной. Якія чаканні ад вясновай стадыі турніру? Магчыма, каго-небудзь з супернікаў хацелі б у пару?
– Ды не, мне здаецца, без розніцы. Хто выпадзе – з тым і будзем гуляць. Ніякіх асаблівых пераваг няма, усе каманды моцныя, усе каманды добрыя. Будзем рыхтавацца да іх, але гэта ўжо будзе ў наступным годзе, – сказаў Гутар.
