РПЛ: «Рубін» Лісаковіча абыграў «Балтыку», «Арэнбург» Сівакова згуляў унічыю з «Сочы» і іншыя матчы
8-10 снежня праходзяць матчы каманд з беларускай прысутнасцю ў 18-м туры РПЛ.
8 снежня
«Урал» Віктара Ганчарэнкі, Ягора Філіпенкі, Уладзіслава Малькевіча і Дзяніса Шчарбіцкага прайграў на выездзе з «Лакаматыву» (0:2). Малькевіч выйшаў у стартавым складзе і адыграў увесь матч. Філіпенка і Шчарбіцкі правялі ўсю гульню на лаўцы.
9 снежня
«Крылы Саветаў» Ягора Карпіцкага разгромна саступілі «Спартаку» (0:3). Беларус правёў увесь матч у запасе.
«Ахмат» Міраслава Рамашчанкі згуляў унічыю з «Растовам» (0:0).
10 снежня
«Арэнбург» Міхаіла Сівакова, Юрыя Кавалёва і Кірыла Капленкі згуляў унічыю з «Сочы» (1:1). Сівакоў і Капленка выйшлі ў стартавым складзе, Капленку замянілі на 46-й хвіліне. Кавалёў увесь матч правёў на лаўцы.
«Рубін» Аляксандра Мартыновіча і Віталя Лісаковіча абыграў «Балтыку» (1:0). Мартыновіч выйшаў у стартавым складзе і адыграў увесь матч. Лісаковіч не патрапіў у заяўку з-за траўмы.