Арцём Чалядзінскі: «У «Мінск» разглядаем хлопцаў з «Дынама», БАТЭ, «Тарпеда-БелАЗ». Каго хацеў бы бачыць? Кісляк, Пуціла»
Новы галоўны трэнер «Мінска» Арцём Чалядзінскі расказаў, як будзе камплектавацца склад каманды.
– Ці могуць з'явіцца ў «Мінску» хлопцы з акадэміі сталічнага «Дынама», якіх лепш за вас наўрад ці хтосьці ведае?
– Перш за ўсё трэба ўлічыць жаданне самога футбаліста. Зразумела, прыярытэт усё роўна будзем аддаваць выхаванцам «Мінска», таму што перада мной пастаўлена менавіта такая задача. Вядома, у тых, на каго наш трэнерскі штаб зверне ўвагу, спытаю пра іх жаданне выступаць за каманду. Прычым размова не толькі пра прадстаўнікоў «Дынама». Разглядаем хлопцаў з БАТЭ, «Тарпеда-БелАЗ».
У клуб прыйшоў Ігар Анцыпаў, на пасаду спартовага дырэктара. І ў пытанні камплектавання саставу ён возьме на сябе асноўную нагрузку. Гэта нармальная практыка для прафесійнага футбольнага клуба. Такія спецыялісты працуюць выключна на сваёй ніве, аблягчаючы маю задачу як галоўнага трэнера. Цяпер усім нам трэба прапусціць праз сябе вялізны абʼём інфармацыі.
– Зыходзячы з зададзеных крытэрыяў, у вас ужо ёсць кандыдатуры як раз з ліку футбалістаў з іншых клубаў, якіх хацелі б бачыць у «Мінску»?
– Сяргей Кісляк, Антон Пуціла... (смяецца) Ёсць канкрэтныя прозвішчы, якія мы абмяркоўваем. І зараз вядзецца, скажам так, перагаворная праца, – распавёў Чалядзінскі.
