Тэн Хаг пра Санча: «Праблемы ўзніклі пасля падпісання, яшчэ за год да майго прыходу»
Галоўны трэнер «Манчэстэр Юнайтэд» Эрык тэн Хаг выказаўся датычна вінгера каманды Джэйдана Санча, які пасля канфлікту з ім спачатку быў адхілены ад першай каманды, а потым аддадзены ў арэнду дортмундскай «Барусіі».
– Праблемы ўзніклі пасля падпісання, яшчэ за год да майго прыходу. У нас былі праблемы цягам усяго часу, таму можна сказаць, што яго знаходжанне ў клубе пакуль нельга назваць паспяховым.
Цяпер ён вяртаецца ў дортмундскую «Барусію», і я жадаю яму ўдачы. Спадзяюся, усе мы спадзяемся, што ў яго ўсё будзе добра, што ён даб'ецца поспеху. Пабачым, што будзе далей.
– Змяніліся б вашы адносіны, калі б ён папрасіў прабачэння?
– Мы ўжо казалі пра гэта. Я не хачу кожны раз вяртацца да гэтага пытання. Ён ведае, што яму трэба зрабіць, мы ясна далі гэта зразумець. Яго перфоманс быў настолькі зразумелым, што давайце спынім гэтую дыскусію, – сказаў тэн Хаг.
Нагадаем, вінгер аддадзены ў арэнду да канца сезона. У сваім першым пасля вяртання матчы супраць «Дармштадта» (3:0) Джэйдан адзначыўся галявой перадачай на Марка Ройса.