Дані Алвес: «Раней не згадваў мінет, таму што думаў, што жонка не даруе»

Былы футбаліст зборнай Бразіліі Дані Алвес даў паказанні на апошнім дні суда.

Са студзеня 2023 года Дані Алвес знаходзіцца пад вартай па абвінавачанні ў згвалтаванні жанчыны ў начным клубе Sutton у Барселоне ў снежні 2022-га. 14 лістапада стала вядома, што суд завяршыў расследаванне.

Пракуратура патрабуе для футбаліста 9 гадоў зняволення.

«Я не біў яе і не кідаў на падлогу. Я не жорсткі чалавек. Яна не казала мне, што не жадае займацца сэксам. Яна ніколі не сказала мне, што гэтага не хоча.

Я зашмат выпіў. Я больш не бачыў заяўніцы і яе сябровак. Да таго моманту, калі мы сыходзілі з дыскатэкі, я выпіў зашмат.

Мая жонка спала ў ложку. Гэта тое самае, што я сцвярджаў у другім выпадку. У першым выпадку я не згадваў мінет, таму што думаў, што мая жонка не зможа дараваць мне», – сказаў Алвес.

Раней бразілец ужо не раз мяняў сваю версію падзей.