Мікалай Шарснёў: «Трэба наладзіць працу ДзЮСШ, СДзЮШАР. Вельмі шмат разбалансаванасці ў падрыхтоўцы футбалістаў»

– Вы, як кіраўнік федэрацыі, з якімі думкамі падыходзіце да новага сезону? Ці ёсць заклапочанасць нейкімі момантамі, або ў прыемным настроі падыходзьце да гэтай рысы?

– Сезон так ці інакш пачнецца. І абсалютна ўсё роўна: больш праблем, менш праблем. Безумоўна, мяне, як кіраўніка федэрацыі, непакоіць шэраг праблем. У асноўным яны звязаны з пытаннямі выбудоўвання футбольнай сістэмы. Трэба наладзіць працу ДзЮСШ, СДзЮШАР. Існуе вельмі шмат разбалансаванасці ў плане падрыхтоўкі футбалістаў.

Мы зыходзім з таго, што некалі раней была створана эталонная сістэма падрыхтоўкі. Па розных прычынах гэтыя ключавыя элементы падрыхтоўкі страціліся. А ўзамен нічога новага не стварылі. Мусіць, у сувязі з гэтым мы маем такія не вельмі пазітыўныя вынікі. Хацелася б усё гэта змяніць, але на гэта часу няма.

Гэты сезон, і я пра гэта ўжо казаў, падводзячы вынікі мінулага футбольнага сезона на цырымоніі «Зорны мяч», павінен пачацца па-новаму. Меў на ўвазе тое, што з гэтага сезона мы павінны наладзіць нейкую новую сістэму ўзаемадзеяння. Мы абавязаны пабудаваць празрыстую і стройную структуру падрыхтоўкі футбалістаў. І яна мусіць прыносіць свае станоўчыя вынікі. Гэта ўсё мы мусім зрабіць вельмі хутка. Хочацца адзначыць, што ў мінулым годзе мы ўжо шмат што памянялі.

Думаю, што вялікую цікавасць прыцягне новая юнацкая каманда U17, якая будзе гуляць у першай лізе з дарослымі гульцамі. Таксама заўзятарам павінна быць цікавае рашэнне, што ў першую і другую лігі ўвойдуць дублюючыя саставы нашых асноўных каманд. Калі ў раённыя цэнтры будуць прыязджаць каманды вышэйшай лігі, няважна, што гэта будуць дублі, гэта, безумоўна, будзе цікава. І яшчэ нямала момантаў, якія мы прынялі, падправілі, і якія, упэўнены, будуць даваць станоўчы вынік, – распавёў Шарснёў.