Вадзім Скрыпчанка: «З Адэолай камунікуюць, быццам ён ужо год у камандзе»
Галоўны трэнер мінскага «Дынама» Вадзім Скрыпчанка выказаўся пра нігерыйскага футбаліста Рэйманда Адэолу, які нядаўна перайшоў у сталічны клуб.
– Першыя ўражанні ад Адэолы? Як вы бачыце яго патэнцыял у камандзе?
– Адэола – гэта футбаліст, які ўжо зарэкамендаваў сябе ў беларускім чэмпіянаце. Мы ведаем яго атакуючы патэнцыял, ведаем, што ён здольны быць крэатыўным у атакуючых дзеяннях, здольны як забіваць галы, так і аддаваць перадачы. Плюс вельмі добры дрыблінг.
У цэлым, важны плюс, што ён адаптаваны да нашых шырот, ведае наш чэмпіянат. Ён практычна ідэальна ведае рускую мову, што для замежніка важна. З пункту гледжання камунікацыі, данясення тонкасцяў не ўзнікае ніякіх праблем. Ён пазітыўны хлопец, адкрыты, добра ўліўся ў калектыў. Ужо на другі дзень у калектыве я звярнуў увагу, што з ім камунікуюць, быццам ён ужо як мінімум год у камандзе. Таму з пункту гледжання адаптацыі мы не сумняваемся, што з ім усё будзе добра. Ён здольны дапамагчы камандзе дасягнуць тых мэт, якія мы ставім, – распавёў Скрыпчанка.
