Алан Шырэр: «Гэта былі выходныя «Сіці», але ў барацьбе за тытул яшчэ будзе шмат паваротаў»

Былы гулец «Ньюкасла» Алан Шырэр падзяліўся думкамі наконт чэмпіёнскай гонкі ў АПЛ.

«З трох каманд на вяршыні «Сіці» мае найбольшы досвед у гэтым сцэнары. Яны не толькі ведаюць, чаго чакаць, яны таксама ведаюць, як з гэтым справіцца, калі гэта адбудзецца.

Гэта былі выходныя «Сіці», але верхняя частка табліцы ўсё яшчэ вельмі напружаная, і я ўсё яшчэ думаю, што ў барацьбе за тытул наперадзе яшчэ шмат паваротаў. Каб застацца ў ёй, «Ліверпулю» і «Арсенала» трэба хутка сабрацца.

Здаецца, каманда Клопа вельмі хоча адыграцца ў Лізе Еўропы ў чацвер, але яны не могуць дазволіць сабе страціць больш балаў у АПЛ. «Кананіры» ўсё яшчэ гуляюць у Лізе чэмпіёнаў супраць «Баварыі». Гульня ў сераду, але суботні выезд да «Вулвз» для іх цяпер вельмі важны.

Пасля таго, як «Арсенал» моцна згас на гэтай стадыі ў мінулым сезоне, усе казалі, што ў гэтым годзе яны зусім іншая каманда, але менавіта цяпер мы сапраўды даведаемся, з чаго яны зроблены», – сказаў Шырэр.

Пасля 32-га тура «Сіці» ідзе першым у табліцы чэмпіянату Англіі з 73 набранымі ачкамі. У «Арсенала» і «Ліверпуля» па 71 бале.