Каземіра пра пераход ў «МЮ»: «Анчалоці сказаў мне: «Я вельмі люблю цябе і не хачу, каб ты сыходзіў»
Паўабаронца «Манчэстэр Юнайтэд» Каземіра прыгадаў, як праходзіў яго трансфер з «Рэала» ў «МЮ» ў 2022 годзе.
«Я нікому пра гэта раней не казаў. Я толькі аднойчы ўсумніўся ў сваім пераходзе ў «Манчэстэр Юнайтэд».
Памятаю, гэта было ў пятніцу днём, і пераход у «Ман Юнайтэд» быў гатовы, за выключэннем майго подпісу. Людзі ведалі, што здзелка адбылася.
Я пайшоў пагаварыць з Карла Анчалоці. Я зайшоў у ягоны офіс, і ён ужо ўсё ведаў. Я адчыніў дзверы і калі павярнуўся [да яго], Анчалоці плакаў. Я яму сказаў: «Ты не можаш плакаць. Хто заўгодна, толькі не ты».
Ён сказаў мне: «Каз, я не ведаю, чаму я плачу, але я вельмі люблю цябе і не хачу, каб ты сыходзіў».
Гэта быў момант [калі я засумняваўся].
Я зразумеў, як шмат людзей мяне палюбiлі ў «Рэале». Але я ўжо даў слова, і маё слова важней за ўсё астатняе», – сказаў Каземіра.