Роберт Левандоўскі: «У «Рэале» вы бачыце – гульцы слепа ідуць за Анчалоці»
Форвард «Барселоны» Роберт Левандоўскі распавёў пра свой перыяд у «Баварыі» пад кіраўніцтвам Карла Анчалоці.
«Для яго гэта была новая краіна, новая культура. Калі б Карла вярнуўся ў Германію – ён дакладна ведаў бы, што яму трэба зрабіць інакш. Іншаземцу нялёгка трэніраваць або гуляць у Германіі.
Калі б Карла застаўся крыху даўжэй і мы з ім пераадолелі цяжкі этап, тады з ім была б магчымая цэлая эра… Калі б Карла перажыў цяжкі момант – усім было б лягчэй. У яго ёсць неверагодны досвед.
У «Рэале» вы бачыце: гульцы слепа ідуць за ім. Карла – выдатны хлопец, які заўсёды шмат размаўляў з гульцамі.
Ён падарыў мне асаблівыя пачуцці: не толькі ўпэўненасць у сабе, але і адчуванне, што я магу зрабіць яшчэ адзін-два крокі ў сваёй кар'еры», – сказаў Левандоўскі.
35-гадовы паляк правёў 57 матчаў разам з Анчалоці, забіў 54 мячы і аддаў 15 асістаў. У гэтым сезоне ён аформіў 20+9 у 43 гульнях. Падрабязная статыстыка 9-га нумара «Барселоны» тут.
