Пеп Гвардыёла: «Ман Сіці» хацеў бы выйграваць 3:0 пасля 10 хвілін матчу супраць «Вест Хэма», але гэтага не адбудзецца»

Галоўны трэнер «Манчэстэр Сіці» Пеп Гвардыёла падзяліўся чаканнямі ад матчу 38-га тура АПЛ супраць «Вест Хэма», які пройдзе 19 мая.

«Мы хацелі б выйграваць 3-0 пасля 10 хвілінаў матчу супраць «Вест Хэма», але гэтага не адбудзецца.

У мяне ёсць адчуванне, што гэта будзе падобна на матч з «Астан Вілай» у 2022 годзе. Мы гатовы. Мае гульцы ніколі не здадуцца», – сказаў Гвардыёла.

Нагадаем, у маі 2022 года ў апошнім туры АПЛ «Ман Сіці» дома гуляў супраць «Астан Вілы». Да 75-й хвіліны «гараджане» прайгравалі 0:2, але ў выніку выйгралі 3:2. Каманда Гвардыёлы дзякуючы гэтаму стала чэмпіёнам, апярэдзіўшы «Ліверпуль» на 1 ачко.

На дадзены момант перад апошнім турам «Ман Сіці» лідзіруе ў АПЛ, апярэджваючы «Арсенал» на 2 ачкі.