«Венецыя» зноў робіць прыгажосць. Толькі паглядзіце на фотасесію клуба ў палацы XIV стагоддзя
Эстэтыка 🤌
Апошнія гады футбольны клуб з Венецыі трывала асацыюецца з паняццем стылю і добрага дызайна. У мінулым сезоне ўсіх уразіла форма клуба, у гэтым жа сезоне «Венецыя» працягвае здзіўляць аматараў футбола.
У пачатку красавіка клуб зладзіў фотасесію ў Палацы дожаў, будаўніцтва якога ішло з 1309 па 1424 гады. Гэты галоўны будынак Венецыі быў перш за ўсё рэзідэнцыяй дожаў (тытул абранага кіраўніка Венецыянскай рэспублікі). У палацы засядалі Вялікі савет і сенат, працаваў Вярхоўны суд і вяршыла свае справы таемная паліцыя. На першым паверсе размяшчаліся таксама канторы юрыстаў, канцылярыя, службы цэнзараў і марское ведамства. У цяперашні час будынак з'яўляецца музеем.
Проста паглядзіце, як прыгожа спляліся гісторыя і футбол!
Фота: Francis Delacroix
