Трэнер гандбольнай зборнай Кітая Шарэйка: «Алімпійская вёска на Азіяцкіх гульнях – своеасаблівы раён, як «Мінск-Свет»
Беларускі трэнер зборнай Кітая па гандболе Алег Шарэйка падзяліўся ўражаннямі ад Азіяцкіх гульняў, на якіх яго каманда заняла 5-е месца.
– Цырымонія адкрыцця Азіяцкіх гульняў вельмі ўразіла.
– Раскажыце вашыя эмоцыі, пра тое, што вы там бачылі і што адчулі.
– Для мяне адкрыццё было вельмі грандыёзным. Там чалавек 3D бяжаў. Наогул шоу было маляўнічае, шмат людзей, каманды. Але гэта своеасаблівая алімпіяда, толькі для азіяцкага рэгіёна.
Я ведаю, што кітайцы адчувалі напружанне. Усе перад гэтым вельмі сур'ёзна рыхтаваліся, былі пастаянныя сходы па відэасувязі з усімі нацыянальнымі зборнымі. Для іх гэта было вельмі важна. Па-першае, дома, у горадзе Ханжо, усё адбывалася. Наогул, вядома, у медальным заліку Кітай заўсёды выйграе азіяцкія гульні.
– Горад, дзе праходзілі азіяцкія гульні, гэта горад-мільённік, ён падобны, можа быць, на Мінск ці Гродна?
– Не, гэта 12 мільёнаў насельніцтва. Для іх гэта невялікі горад, для Кітая. Але для нас гэта вялізны, вельмі прыгожы, як і сучасны, так і стары горад. То бок мы жылі ў алімпійскай вёсцы, усе каманды жылі ў алімпійскай вёсцы. Гэта такі своеасаблівы раён. Ну, можа быць, калі параўнаць Мінск, як «Мінск-Свет». Вось такі раён, усё сучаснае, усё на высокім узроўні. І сам горад, адпаведна, такі ж. Ён недалёка ад Шанхая, 150 кіламетраў, – распавёў Шарэйка
