Міхаіл Захараў: «9-е месца на АГ-2010? Вельмі сумняваюся, што мы яго ўбачым увогуле. На Гульні ў бліжэйшы час не патрапіць ніхто»
Экс-трэнер зборнай Беларусі Міхаіл Захараў падзяліўся меркаваннем аб тым, што 9-е месца каманды на Алімпійскіх гульнях у Ванкуверы на гэты момант можна лічыць паспяховым і што ў бліжэйшы час нацыянальная каманда не трапіць на Алімпійскія гульні.
– Выступленне хакейнай зборнай, яе 9-е месца, на Алімпійскіх гульнях у Ванкуверы ў 2010 годзе, прызналі няўдалым. Але зараз гэта, вядома ж, быў бы поспех, што скажаце вы?
– Скажу, што 9-е месца ў нас… Я вельмі сумняваюся, што мы яго ўбачым увогуле. На жаль, зараз ідзе развіццё хакея не ў нас, а ў іншых краінах. Я шакаваны на чэмпіянаце свету быў, як выглядае Данія, Швейцарыя, Францыя, Нарвегія - для мяне гэта дзіўна было, як яны падняліся.
8 хакеістаў, па-мойму, з Нарвегіі ўжо гуляе ў НХЛ, ну, з нейкімі перабоямі. Нідэрландцы гуляюць ужо ў НХЛ.
Трэба свой хакей развіваць і ўсё. І больш на Алімпійскія гульні найбліжэйшым часам не трапіць ніхто. Нам трэба перабудоўвацца, больш увагі надаваць дзіцячаму хакею ў абласцях. Сёння, на жаль, пакуль усё даволі складана, – сказаў Захараў.
