Трэнер «Магілёва» Мацярухін: «Шмат каму з каманды трэба было з хакеем заканчваць яшчэ год-два, а можа, і тры таму»
Галоўны трэнер «Магілёва» Аляксандр Мацярухін пракаментаваў паразу ад «Нёмана» (3:8).
– Пачалі нядрэнна, а потым пайшлі дурныя выдаленні, якія прывялі да такога выніку. На жаль, у нас вялікая частка гульцоў не можа трымаць той узровень, які яны задаюць у пачатку гульні. Няма стабільнасці. Застаюцца недарэчныя дзіцячыя памылкі, якія яны здзяйсняюць з матчу ў матч. Паўтаруся, што ў нас, на жаль, недастаткова беларускіх гульцоў, каб памяняць іх. Ну і плюс, некаторыя людзі сёння, такое пачуццё, што надзелі шоры і нічога не бачылі на лёдзе. Не буду называць прозвішчаў, але на пляцоўцы яны былі пастаянна.
– Давайце падвядзем вынікі гэтай серыі.
– Было прыкметна, што спаборнік вышэйшы за ўзровень. У плане абароны і каманды «Нёман» больш збалансаваны. Гульцы ўсё ж такі больш кваліфікаваныя. Нашы спартсмены як дапускалі памылкі, так і дапускаюць. Тут нічога не зрабіць.
– Але вы ж неяк працуйце над гэтым?
– Мы працуем, але бачыце, як я і сказаў: няма беларускіх гульцоў. Гэта значыць, нават, калі я хачу кагосьці пасадзіць, мне няма кім іх замяніць. А так, многім з нашай каманды, не толькі пасля сённяшняга матчу, а наогул трэба было з хакеем заканчваць яшчэ год-два, а можа, і тры таму, – сказаў Мацярухін.
