Яўген Лісавец: «У Беларусі займаюцца хакеем і працуюць над тым, каб у будучыні выпускалася больш людзей»
Беларускі абаронца «Адмірала» Яўген Лісавец падзяліўся меркаваннем пра развіццё беларускага хакея.
– За апошні час з'явілася вельмі шмат беларускіх хакеістаў і ў КХЛ, і з'язджаюць у амерыканскія лігі. У чым феномен? Пінчук расказваў, што нейкая асаблівасць падрыхтоўкі, неяк вас праз зборную прапускаюць. Раскажы, калі ласка, пра гэта. У вас нібыта лабараторыя, у добрым сэнсе слова.
– Гэта добра, што так пайшло. Ведаеш, гэта ніводнага дня, ніводнага года праца. У нас займаюцца хакеем людзі і працуюць над тым, каб у будучыні выпускалася больш і больш людзей. Скажам так, не год таму заняліся гэтым. І вось ужо з'яўляецца плён. Цяпер маладыя хлопцы значна мацнейшыя, чым мы калісьці былі на іх месцы. І гэта добра, гэта класна для нашага хакея. Яны мне падаюцца больш здольнымі.
– Феномен усё ж беларускіх гульцоў? Усе кажуць, што Парадзін самы хуткі ў КХЛ. Але маё меркаванне: Ваня Драздоў не менш хуткасны, Ігар Мартынаў. Алістраў выйграў конкурс на самага хуткага тут.
– Наогул беларусы ў нас маладыя. Нападаючыя хуткія, з добрымі кідкамі, і ачкi набіраюць. Я думаю, гэта паказчык, у якіх яны клубах граюць, якія ролі займаюць. Ёсць хлопцы добрыя, вартыя, – сказаў Лісавец.
