Данііл Сацішвілі: «Усе хлопцы – малайцы, біліся адзін за аднаго і рабілі ўсё для перамогі»
Нападаючы мінскага «Дынама» Данііл Сацішвілі даў каментар пасля перамогі над «Тарпеда» (5:2) у матчы КХЛ.
– Добрая камандная перамога. Усе хлопцы – малайцы, біліся адзін за аднаго і рабілі ўсё для перамогі.
– Раскажы пра свой гол, ён атрымаўся вельмі важным у самым пачатку гульні.
– Усе галы важныя. Там Андрэй Стась падняў шайбу наверх, Паша Дзянісаў кінуў, я пасля адскоку ўдала закінуў.
– Можна сказаць, што на тваім рахунку дубль: гол і бойка. Што было ў тым моманце?
– Ферг шайбу накрыў, гулец суперніка пачаў біць па руках. Я заступіўся за нашага брамніка.
– Наперадзе вялікая хатняя серыя.
– Сёння адновімся пасля матчу, затым разбяром гульнявыя эпізоды, недахопы. І пачнем падрыхтоўку да хатніх матчаў. Хочацца згуляць на «Мінск-Арэне» як мага больш паспяхова. Запрашаем усіх на хакей! – сказаў Сацішвілі.