Сяргей Стась: «Калі кожны будзе дзейнічаць сам па сабе, то нічога добрага не выйдзе»
Галоўны трэнер «Гомеля» Сяргей Стась падзяліўся меркаваннем аб матчы супраць «Магілёва» (1:4).
– Не буду паўтарацца, што ёсць праблемы, траўміраваныя і хворыя толькі пачынаюць выходзіць, гэта накладвае адбітак, звёны разабраны.
Прайгралі па справе, прайгралі сёння ўсюды: у адзінаборствах, у жаданні, у характары. Думалі, мусіць, што пазаўчора згулялі 7:2 і так усё проста будзе, але не. Нічога не стварылі, не выканалі план на гульню. Думалі, што пракоціць, але так не бывае, можна выйграць 7:2 і потым прайграць.
Калі кожны будзе дзейнічаць сам па сабе, то нічога добрага не атрымаецца. Спрабавалі прытрымлівацца плана, але грубыя памылкі… Я не магу нікога вылучыць сёння, не было ніводнага лідара, куча памылак у абаронцаў, я не ведаю, мы столькі ніколі не прапускалі, – сказаў Стась.