«У тваю хару б###ь, н###й». Вернідуб вярнуўся з фронту і зладзіў шоу аднаго акцёра ў першым матчы УПЛ супраць «Коласа» Золатава
Замахнуўся на арбітра, атрымаў выдаленне, расказаў аб прадажных суддзях.
Былы галоўны трэнер салігорскага «Шахцёра» Юрый Вернідуб вярнуўся ва УПЛ з фронту паразай ад «Коласа» (0:1), за які ўвесь матч адгуляў беларускі абаронца Мікалай Золатаў. Аднак менавіта трэнер «Крыўбаса» стаў самым заўважным чалавекам на стадыёне.
Па-першае, ён не хаваў сваёй экспрэсіі ў дачыненні да гульцоў. Мы не лічылі, але па колькасці слоў «б####ь» і іншых мацюкоў мала хто зможа паспаборнічаць з Вернідубам.
Вось некалькі цытат:
«Мікіт, давай соплі не цягай, гуляйце. Што вы, б####ь, расказваеце».
«Ты што, б####ь, хочаш, б####ь, гэта самае? Мы тут разоў пяць згуляем (далей неразборліва)».
«Хлопцы, б####ь, у іх тры кутавых – тры ўдары!»
Але значна больш сварак было з арбітрамі, асабліва ў другім тайме. Ці ледзь не на кожную фіксацыю парушэнняў «Крыўбаса» і нефіксацыю фалоў «Коласа» Вернідуб рэагаваў занадта бурна. Гучалі нават фразы тыпу «П####ц, дай гуляць!»
На 62-й хвіліне галоўны суддзя Юрый Іваноў нават падышоў, каб крыху супакоіць трэнера.
Гэта не дапамагло. Ужо крыху больш чым праз хвіліну Вернідуб занадта бурна адрэагаваў на жоўтую картку Яўгену Банадзі.
«А ён пры чым тут? (Неразборліва) Вы шо тут? Чувак гуляе галавой, а ты яго... Ён сам нырае туды.
Я магу зараз па-іншаму, таму што вы так і робіце. Я магу і па-іншаму, б###ь».
За гэтыя эмоцыі Вернідуб атрымаў жоўтую картку і просьбу паводзіць сябе больш карэктна, на якую адрэагаваў яшчэ больш бурна:
«Вы будзьце карэктным суддзёй! Карэктнасць зашкальвае ад цябе, і ад цябе таксама (лайнсмэна – Tribuna.com) Ідзі нахер, не стой тут. Усё, сыходзь з маёй зоны, я не хачу, каб ты ў маёй зоне стаяў».
Запал асадзіўся да 80-й хвіліны, калі гулец «Коласа» трапіў мячом у твар Івану Зоцька. Вернідуб вырашыў, што Зоцька стукнулі па твары рукой, і спытаў пра гэта арбітраў: «А ўдару рукой не было ў твар? Ты побач стаіш! Нічога, маху не было? Зараз маху не было?»
Лайнсмэн паклікаў Іванова, каб той выдаліў трэнера «Крыўбаса». Рэакцыя не прымусіла сябе чакаць: “Ну што ты хочаш яму сказаць? Я табе што-небудзь казаў? Навошта ты яго клічаш? (далей галоўнаму арбітру) Ты што ўвогуле б####ь? Што ты робіш?
Апагеем эпізоду стаў замах на лайнсмэна са словамі «У тваю харю б####ь, н###й».
Пасля выдалення Вернідуб размясціўся паміж полем і падтрыбунным калідорам. Адтуль ён правёў лекцыю аб узроўні судзейства ва УПЛ – ці то лайнсмэну, ці то Яраславу Вішняку (галоўны трэнер «Коласа» – Tribuna.com), ці то сам сабе. Выбралі моманты, якія было добра чуваць – усё ж нават у трансляцыі без каментатара месцамі спіч перарываўся іншымі гукамі.
«Я табе потым раскажу, б####ь. У вас, суддзяў, як было ўсё ва Украіне, так і засталося, прадажныя, б####ь.
...Пакажы хоць аднаго, хто крычаў, б####ь? Дзе? У вас там цёлак, гэты крычыць як недарэзаны. Абвыклі, што ўвесь час вам дапамагаюць, б####ь. Жывяце гэтым, б####ь. Папрацуйце з суддзямі яшчэ лепш. Усё жыццё, б####ь.
...Колькі можна, б####ь? Усё працягваецца, усё, што было. То і ёсць, б####ь, у гэтым футболе.
...Я яму кажу, значыць, што ў твар, у сківіцу... нельга, а ён кажа, прэч. Прыбег чувак, другую жоўтую. Завошта мне?»
Яраславу Вішняку не заставалася нічога, акрамя як разводзіць рукамі.
Пасля матчу разборак не было: Вернідуб сышоў у распранальню дзесьці за палову хвіліны да канца сустрэчы. Відаць, успомніў, што выдалены.
