Наталля Трафімава: «Хацелася б, каб маладыя баскетбалісткі дадавалі. Але па гульні пакуль гэтага не відаць»
Галоўны трэнер жаночай зборнай Беларусі Наталля Трафімава пракаментавала мінулыя таварыскія матчы супраць зборнай Расіі.
– Першы матч супраць зборнай Расіі атрымаўся ўпартым, зноў валідольная канцоўка. Наколькі складана перажываць такія эмоцыі ці вы за ўсю сваю кар'еру да гэтага прывыклі?
– Такія эмоцыі заўсёды прыемна перажываць, тым больш цяпер нам іх відавочна не хапае, было класна папрацаваць з дзяўчынкамі, сустрэцца і згуляць гэтыя матчы.
– Тут важней было перамагчы або паглядзець на зборную ў справе, улічваючы таварыскі статус гульняў?
– Выйграваць заўсёды прыемна, што тут хаваць. Але траўма Машы Паповай больш за ўсё ўстрывожыла, Насця Верамеенка таксама нешта скардзіцца на нагу... таму перамога ў першай гульні сышла на другі план.
– Маладыя дзяўчынкі спрагрэсавалі? Яны сталі мацней?
– Хочацца на гэта спадзяецца, усё ж яны (большасць) гуляюць у расійскім чэмпіянаце, турніры, які ўзроўнем вышэйшы, чым наш. Хацелася б, вядома, каб яны яшчэ дадавалі. Але па гульні пакуль гэтага не відаць... Зрэшты, усё яшчэ спадзяемся на моладзь, – сказала Трафімава.