«Баварыя» не вядзе перамоў з тэн Хагам, нідэрландзец засяроджаны на вырашальных матчах сезона з «МЮ»

Галоўны трэнер Манчэстэр Юнайтэд Эрык тэн Хаг не ўзначаліць «Баварыю», паведамляе інсайдар Фабрыцыа Рамана.

Па інфармацыі крыніцы, мюнхенцы не вядуць перамовы з нідэрландскім спецыялістам. Калі нейкія кантакты і былі, то гаворка ідзе пра звычайны запыт адносна сітуацыі вакол тэн Хага, але без усялякай канкрэтыкі.

Тэн Хаг цалкам засяроджаны на вырашальных матчах «Манчэстэр Юнайтэд» у АПЛ і на фінале Кубка Англіі.

«Баварыя» ў сваю чаргу хоча ў найбліжэйшы час дамовіцца па супрацоўніцтве з новым трэнерам. Нагадаем, што летам каманду пакіне Томас Тухель.