Тухель гатовы застацца ў «Баварыі»
Томас Тухель можа застацца галоўным трэнерам «Баварыі» на наступны сезон, паведамляе журналіст Кэры Гаў у сваім твітары.
Раней «Баварыя» аб'явіла пра сыход Тухеля пасля завяршэння сезона, але знайсці новага галоўнага трэнера не змагла.
Па даных СМІ, каманду да гэтага адмовіліся ўзначаліць Ральф Рангнік, Хабі Алонса, Юльян Нагельсман і Ханс-Дзітэр Флік, а за Олівера Гласнера «Крыстал Пэлас» хацеў атрымаць 100 мільёнаў еўра.
Указана, што «Баварыя» вядзе перамовы з Тухелем і яго агентам пра працяг супрацоўніцтва. Дырэктары клуба Макс Эберль і Крыстаф Фройнд выступаюць за тое, каб ён застаўся.
Сам трэнер гатовы застацца і ўжо выказаў гэта некалькім гульцам. Вырашальная ўмова для яго: поўная падтрымка кіраўніцтва. Раней паведамлялася, што яго падтрымалі Томас Мюлер, Мануэль Ноер і некалькі іншых гульцоў.
«Баварыя» у сезоне-2023/24 не заваявала ніводнага трафея.
