Крысціна Ціманоўская: «На запуск брэнда вопраткі патрацілі амаль 10 тысяч еўра»

Беларуская лёгкаатлетка Крысціна Ціманоўская распавяла пра тое, колькі грошай пайшло на стварэнне ўласнага брэнда вопраткі.

- Вы запусцілі свой брэнд вопраткі. Чыя была ідэя?

– Ідэя мая, я два гады марыла гэтым заняцца, яшчэ ў Беларусі мы мелі пэўныя дамоўленасці і пасля Токіа я планавала ехаць глядзець матэрыялы, тканіну…

Але ж я не вярнулася ў Беларусь і давялося ўсё арганізоўваць за мяжой, бо людзі ў Беларусі ўжо не вельмі хацелі супрацоўнічаць — проста баяліся.

- Атрымліваецца зарабляць? 

– Паціху прадаецца нешта. Заказваюць шмат з Беларусі. Адпраўлялі двойчы ў ЗША, некалькі разоў па Польшчы, па Еўропе. 

Першая калекцыя была заснаваная на падзеях у Токіа: там вышытае сэрца на рэчах, у сэрца мы ўпісалі словы падтрымкі, якія мне пісалі людзі. І замежнікі, можа не разумеюць пакуль, таму асноўная аўдыторыя менавіта суайчыннікі. 

Але я за ўсё адказваю сама, няма нікога, хто б займаўся развіццём, рэкламай. Ды і на рэкламу патрэбныя грошы, а іх пакуль няма на дадатковыя выдаткі.

- Колькі патрацілі на запуск бізнэсу?

– Амаль 10 тысяч еўра. Гэта былі ўсе нашыя накопленыя грошы. І, на жаль, цяпер у нас узнікла такая сітуацыя, што гэтыя грошы былі б нам вельмі патрэбныя, але ўсе яны былі ўкладзеныя ў бізнэс.

- А на што неабходныя зараз грошы?

– Маёй маме нядаўна паставілі вельмі сур’ёзны дыягназ. Ёй патрабуецца доўгае лячэнне, аперацыя, аднаўленне… Трэба грошы, – сказала Ціманоўская.

Тимановская запустила лимитированную коллекцию одежды, посвященную событиям на ОИ в Токио

Комментарии

Возможно, ваш комментарий – оскорбительный. Будьте вежливы и соблюдайте правила
  • По дате
  • Лучшие
  • Актуальные