Максім Рыжанкоў: «Мы нагадваем нашым калегам аб тым, што ніякія палітычныя інтрыгі не вартыя спартыўнага братэрства»
Старшыня Беларускай федэрацыі баскетбола Максім Рыжанкоў расказаў пра тое, як федэрацыя рэагуе на бан беларускіх баскетбалістаў.
«Мы ўсяляк нагадваем нашым калегам з міжнароднай і Еўрапейскай федэрацыі аб тым, што ніякія палітычныя прычыны і інтрыгі не вартыя спартыўнага міжнароднага братэрства. Мы стараемся ўпэўніць іх прыняць станоўчае рашэнне аб удзеле нашых спартсменаў на міжнародных спаборніцтвах.
Але ў міжнародных спартыўных структурах існуе вялікае засілле прадстаўнікоў тых краін, якія разглядаюць нашых і расійскіх спартсменаў як асноўных канкурэнтаў на баскетбольнай пляцоўцы. Яны ўсю ваду і каламуцяць, мы гэта бачым па іх дзеяннях. Бачым, як радуюцца, калі нас не дапускаюць да нейкага турніру. Мы гэта адсочваем і ўлічваем», – распавёў Рыжанкоў.