«Сілавікі» Лукашэнкі затрымалі вядучага мерапрыемстваў – ён працаваў на матчах баскетбольнага «Мінска»

Адзін з тэлеграм-каналаў, звязаны з «сілавікамі» Лукашэнкі, паведаміў пра затрыманне ў Мінску вядучага мерапрыемстваў:

«Персанаж трымаў мікрафон рукой, на якой лацінкай напісана ZYVIE BELARUS, і гэта было пытанне часу, пакуль гледачы не паведамяць куды трэба».

У відэа, апублікаваным у канале, малады чалавек прызнаецца, што падчас пратэстаў 2020 года сфатаграфаваўся з БЧБ-сімволікай на дарозе ў Мінску. Акрамя гэтага, ён кажа, што дасылаў у «Чорную кнігу Беларусі» дадзеныя аб перамяшчэнні «сілавікоў».

Са слоў «сілавікоў» маладому чалавеку пагражае да пяці гадоў пазбаўлення волі.

Як высветліла «Медыязона», мужчыну на відэа завуць Павел Пашкевіч. Ён працуе вядучым мерапрыемстваў і музыкам. У сезонах 2020/21 і 2021/22 ён вёў хатнія матчы баскетбольнага «Мінска».

Фота: бк Мінск