Герасіменя пра сыход з БФСС: «Не сышліся ў меркаваннях з Апейкіным. Плюс недавер з-за фінансавай непразрыстасці – увогуле, я проста сышла»

Экс-старшыня Беларускага фонду спартыўнай салідарнасці Аляксандра Герасіменя расказала падрабязнасцi свайго сыходу з арганізацыі.

– Вы з Аляксандрам Апейкіным атрымалі завочна па 12 гадоў турмы, пазбавіліся маёмасці. Але пры гэтым нядаўна вы пакінулі Фонд спартыўнай салідарнасці. Чаму вы разышліся, бо ідэя была выдатная, ды і працавалі вы паспяхова?

– Па-першае, у мяне ўзніклі пытанні наконт празрыстасці фінансавання, і я пачала іх задаваць, але замест адказаў на свае пытанні я павучыла даволі сур'ёзную негатыўную рэакцыю. А па-другое, пачалася вайна, і фонду трэба было вельмі сур'ёзна перапрафіляваць дзейнасць. У сітуацыі вайны мы не можам бегаць і прасіць дапамогі для апальных беларускіх спартсменаў: якая дапамога, калі з тэрыторыі нашай краіны ляцяць ракеты? Ці прасіць санкцыі супраць беларускага спорту – навошта, калі ўсе санкцыі пасля пачатку вайны ўводзяцца без усялякіх просьбаў? І марнаваць на бескарысныя рэчы энергію, на мой погляд, было бессэнсоўна. А вось патраціць яе на тое, каб у спартсменаў, якія апынуліся ў выгнанні, была магчымасць трэніравацца і выступаць. І гэта трэба было рабіць адразу, а не праз паўгода пасля пачатку вайны.

Калі прыехалі ў Польшчу, адразу сутыкнуліся з праблемай падвойнай дыскрымінацыі – атрымалі шмат зваротаў ад сем'яў, якія былі вымушаныя збегчы з Беларусі. Людзі ўцякалі ад крымінальнага пераследу, часам хапалі толькі дзяцей і дакументы, бо не было часу нават рэчы сабраць, лік ішоў на хвіліны. І вось гэтыя дзеці, якіх вырвалі з іх атачэння, са школ, са спартыўных секцый, у Польшчы пайшлі займацца спортам у тутэйшыя секцыі. А калі пачалася вайна, у палякаў таксама знесла дах, і яны сказалі: з беларускімі пашпартамі - прэч з секцый!

І вось уявіце сабе маральны стан гэтых дзяцей. Спачатку яны на радзіме – дзеці ворагаў народа, а праз крыху часу ў іншай краіне – суагрэсары.

І я адразу ж уключылася ў гэтую сітуацыю. Мы размаўлялі з журналістамі, з чыноўнікамі, я тлумачыла праблему. Пасля пасля сустрэч з супрацоўнікамі польскага міністэрства спорту была нарэшце створана рабочая група, якая займалася вырашэннем гэтых праблем. І такія працоўныя групы трэба было ствараць у кожнай краіне. Але тут мы не сышліся ў меркаваннях з Апейкіным. Плюс недавер з-за фінансавай непразрыстасці – увогуле, я проста сышла, – сказала Герасіменя.

Нагадаем, што Герасіменя абвясціла пра свой сыход з Беларускага фонду спартыўнай салідарнасці 19 красавіка 2022 года. Яна ўзначальвала БФСС з 14 кастрычніка 2020 года.