– Была нядрэнная арганізацыя, колькасць заўзятараў таксама здзівіла. Апошні раз шмат гледачоў на Паралімпіядзе бачыў у Лондане ў 2012 годзе, але ў Францыі іх было яшчэ больш.

Стаўленне да беларусаў з боку ўсіх каманд, за выключэннем украінцаў, было пазітыўным, прыемным, і нічога дрэннага сказаць не магу.

– Але некаторыя спартсмены яшчэ падчас Алімпіяды скардзіліся на дрэнную якасць ежы і аскетычныя ўмовы пражывання ў алімпійскай вёсцы.

– Дык мы ж прыехалі ўдзельнічаць у спаборніцтвах, а не на курорце адпачываць. Ложкі як ложкі. Вядома, калі ты прывык да артапедычных матрацаў, табе магло быць цяжка, але, на мой погляд, усё было нармальна.

Такія ж ложкі былі прадастаўлены спартсменам і ў Токіа.

Што да ежы, яе выбар не быў вялізным, але заўсёды было некалькі відаў мяса, і можна было спакойна нешта выбраць, – сказаў Бокій.

Аўтар: Iгнат Калiнiн

Крыніца: onliner.by

Ігар Бокій

плаванне

Паралімпійскія гульні

Водныя віды